Proqramlar

Akademiyada dizayn dünyasının aşağıdakı nəhəng sahələri tədris olunur. Hər biri haqqında ətraflı məlumatı ikonlara bircə dəfə klikləyərək əldə edə bilərsiniz.

Dərs müddəti

6 ay

Qrafik Dizayn nədir?

Qrafik dizayn şəkil və yazı vasitəsilə informasiyanın ötürülməsi, vizual problemlərin həlli sənətidir. Bu sahədə çalışan mütəxəssislər müasir texnologiyalardan istifadə edərək müxtəlif məcralara uyğun vizual həllər yaradır. Hər gün qarşılaşdığımız loqolar, qablaşdırma dizaynları, billboardlar və digər vizual daşıyıcılar onların xəyal gücünün məhsuludur.

Yaradıcılığın və problemlərin həllinə yönəlik yanaşmanın gündən günə dəyər qazandığı müasir biznes mühitində dizayn mütəxəssislərinə böyük tələb var.

Proqramın məzmunu

Qrafik Dizayn təhsil proqramının məzmunu Adobe şirkətinin əlavələri və tədris materialları əsasında hazırlanmışdır. Proqram beynəlxalq miqyasda təsdiqlənmiş metodologiyalardan və modullardan təşkil olunduğundan məzunlara Adobe sertifikatlarını da əldə etmək imkanı yaradır.

6 ay davam edən tədris prosesində tələbələr texniki biliklərə yiyələnməklə yanaşı, dizayn sahəsi ilə bağlı cərəyanları və nəzəriyyəni öyrənir. Tədrisin bu hissəsi proqram məzunlarını beynəlxalq əmək bazarının tələb olunan mütəxəssisi kimi formalaşdırmağa yönəlib.

Tədris olunan proqramlar:

  • Adobe Photoshop

  • Adobe Illustrator

  • Adobe InDesign

  • Figma

Məzun karyerası

Akademiyada Qrafik Dizayn təhsil proqramı bu günə qədər 400-dən artıq məzun verib. 

Məzunlar indi ölkənin böyük şirkətlərində, dövlət müəssisələri və marketinq agentliklərində çalışır. Proqramı uğurla bitirən şəxslər aşağıdakı vəzifələr üzrə fəaliyyət göstərmək üçün gərəkli bilik və bacarıqlara malikdir. 

  • Graphic Designer

  • Art-director

  • Technical Designer

  • Print Designer

  • Illustrator

  • Logo designer

Dərs müddəti

6 ay

İnteryer dizayn nədir?

İnteryer dizayn sahəsi müxtəlif təyinatlı məkanların və ərazilərin vizual cəhətdən layihələndirilməsinə yönəlib. Bu sahənin mütəxəssisləri insanların həyat keyfiyyətinə bir-başa təsir edən həllər yaradırlar. Erqonomik və funksional mühitlər yaratmaq üçün müxtəlif amilləri nəzərə alan interyer dizaynerlərə bu işdə ən müasir texnologiyalar kömək edir. Bu isə mənzillərin, ofislərin, gündəlik olaraq qarşılaşdığımız obyektlərin daha komfortlu və cəlbedici olmasına gətirib çıxarır.

Proqramın məzmunu

Autodesk şirkətinin tədris materialları və əlavələri əsasında hazırlanan İnteryer Dizayn təhsil proqramı təkcə Azərbaycanda yox, regionda da bu sahə üzrə ən yaxşı proqramlardan biri hesab olunur.

Proqram real layihələrə əsaslanan və qlobal müstəvidə sınaqdan keçmiş modullar əsasında tərtib olunub. Bu isə proqramın məzunlarına beynəlxalq rəqabətə davamlı mütəxəssis kimi formalaşmaqda kömək edir.

Proqrama qatılan tələbələr 6 ay davam edən tədris prosesi zamanı nəzəri və texniki biliklərə yiyələnir. Tədrisin sonuncu ayında isə tələbələr real iş mühitində öyrəndiklərini tətbiq edərək təcrübə qazanır. Təhsil proqramının bu hissəsi məzunları iş həyatına hazırlamağa yönəlib.

Tədris olunan proqramlar:

  • Autocad

  • 3Ds Max

  • Corona Renderer

  • Photoshop

Məzun karyerası

İnteryer Dizayn təhsil proqramını uğurla bitirən tələbələr əmək bazarının tələb olunan mütəxəssisi hesab olunur. Təcrübə göstərir ki, bir çox hallarda tələbələr hələ məzun olmadan öncə iş təklifləri almağa başlayır. Proqramın məzunları müxtəlif sektorlarda fəaliyyət göstərən şirkətlərdə aşağıdakı vəzifələrdə çalışır.

  • Interior Designer

  • Modeling Designer

  • Technical Designer

Dərs müddəti

6 ay

Animasiya dizaynı nədir?

Animasiya Dizaynı sahəsi vizual elementlərin və qrafik təsvirlərin dinamik obyektlərə çevirilməsini, özəl effektlərin yaradılmasına yönəlib. Müasir texnologiyalar bu sahənin mütəxəssislərinə insan təxəyyülünün sərhədlərində hərəkət edərək müxtəlif çətinlikdə vizual həllər yaratmaq imkanı verir. Son illərdə video məzmununa ehtiyacın artması, stream platformalarının inkişafı nəticəsində animasiya dizaynı dövrün trend sahələrindən birinə çevrilib.

Proqramın məzmunu

Animasiya Dizaynı təhsil proqramının məqsədi bu sahədə beynəlxalq rəqabətə davamlı kadrlar yetişdirməkdir. Akademiya bu hədəfə nail olmaq üçün dünyanın öndə gələn şirkətlərindən Adobe ilə tərəfdaşlıq edir. Belə ki, proqramın məzmunu Adobe şirkətinin əlavələri və tədris resursları əsasında tərtib olunub. 

Praktiki modullardan və laboratoriya işlərindən ibarət proqramın məzmunu 6 ay ərzində tələbələri beynəlxalq əmək bazarının tələblərinə cavab verən mütəxəssis kimi formalaşdırır. 

Tədrisin sonunda məzunlar müxtəlif mürəkkəblikdə vizual effektlər, personajlar və 2D modellərdən ibarət portfolioya malik olur. 

Tədris olunan proqramlar:

  • Adobe After Effects

  • Adobe Premier Pro

  • Encoder

Məzun karyerası

Akademiyada Animasiya Dizaynı təhsil proqramını uğurla bitirən tələbələr peşəkar mütəxəssis kimi öz karyerasına başlayır. Proqramın məzunları müxtəlif sektorlarda fəaliyyət göstərən şirkətlərdə aşağıdakı vəzifələrdə çalışmaqdadır.

  • Animation Designer

  • Visual Effects Designer

  • VFX Supervisor

  • Animation Supervisor

  • Digital Artist

  • Video editor

Dərs müddəti

4 ay

UX&UI nədir?

Harvard Business Review tərəfindən 21-ci əsrin ən perspektivli sahələrindən biri kimi göstərilən UX&UI dizayn sahəsinə olan ehtiyac ölkəmizdə də artmaqdadır. 

Bu sahənin mütəxəssisləri təkcə peşəkar dizayner yox, həm də yaxşı araşdırmaçıdır. UX&UI mütəxəssisləri istehlakçı davranışlarını analiz edərək, istifadəçi təcrübəsini yaxşılaşdıran həllər yaradır. Bu isə insanların həyatını asanlaşdırmaqla yanaşı, biznes təyinatlı rəqəmsal məhsulların inkişaf etdirilməsinə imkan verir.

Proqramın məzmunu

Akademiyada UX&UI təhsil proqramının məqsədi beynəlxalq səviyyədə rəqabətə davamlı kadrlar hazırlamaqdır. Bu səbəbdən proqramın məzmunu beynəlxalq müstəvidə təsdiqlənmiş modullar və metodologiyalar əsasında təşkil olunub.

4 ay davam edən tədris prosesinin nəzəri hissəsində tələbələr User Persona, Eye Movement Tracking, Customer Journey Map kimi araşdırma metodologiyalarını və test üsullarını dərindən öyrənir.

Tədrisin praktiki hissəsində isə tələbələr birlikdə işləyərək müxtəlif təyinatlı rəqəmsal məhsullar hazırlayır.

Tədris olunur:

  • Figma

  • Adobe xD

  • İnvision

  • Zeplin

  • Miro

  • Analytics

  • Flurry

Məzun karyerası

Akademiyada UX&UI təhsil proqramını uğurla bitirən və diplom əldə edə bilən tələbələr öz karyerasını qurmaqla bağlı geniş fürsətlər əldə edir. Təsadüfi deyil ki, bu gün ölkənin öndə gələn şirkətlərinin bir çoxunda Akademiya məzunu fəaliyyət göstərir. 

Proqramın məzunları banklarda, dövlət müəssisələrində və texnologiya şirkətlərində aşağıdakı vəzifələr üzrə fəaliyyət göstərir.

  • UX&UI Designer

  • Interaction designer

  • UX Designer

  • Product Designer

  • UX Researcher

  • Business Analyst

  • UI Designer

Online Müraciət

Sayt üzərindən etdiyiniz müraciətlər 2 iş günü ərzində geri dönüş alacaqdır.