Proqramlar

Qrafik dizayn şəkil və yazı vasitəsilə informasiyanın ötürülməsi, vizual problemlərin həlli sənətidir. Bu sahədə çalışan mütəxəssislər müasir texnologiyalardan istifadə edərək müxtəlif məcralara uyğun vizual həllər yaradır. Hər gün qarşılaşdığımız loqolar, qablaşdırma dizaynları, billboardlar və digər vizual daşıyıcılar onların xəyal gücünün məhsuludur.

Akademiyada bu sahə Modern Qrafik Dizayn ixtisası adı altında tədris olunur. Yaradıcılığın və problemlərin həllinə yönəlik yanaşmanın gündən günə dəyər qazandığı müasir biznes mühitində dizayn mütəxəssislərinə böyük tələb var.

Modern Qrafik Dizayn ixtisasına müraciət edən şəxslərin sahə üzrə bilik və bacarıqlara malik olması tələb olunmur. Proqramın məzmunu yeni başlayan şəxslərə uyğun tərtib olunduğundan hər kəs qoşula bilər.

Modern Qrafik Dizayn təhsil proqramının məzmunu Adobe şirkətinin əlavələri və tədris materialları əsasında hazırlanmışdır. Proqram beynəlxalq miqyasda təsdiqlənmiş metodologiyalardan və modullardan təşkil olunduğundan məzunlara Adobe sertifikatlarını da əldə etmək imkanı yaradır. Məzunlar Akademiyanın partnyoru olan Adobe şirkətinin müvafiq sertifikatlarını əldə etmək üçün güzəştlər və bir sıra üstünlüklər əldə edir. 

7 ay davam edən tədris prosesində tələbələr texniki biliklərə yiyələnməklə yanaşı, dizayn sahəsi ilə bağlı cərəyanları və nəzəriyyəni öyrənir. Paralel olaraq Karyera Mərkəzi tərəfindən aparılan Karyera Hazırlıq Proqramı çərçivəsində tələbələrə karyera planlaması, təqdimat və ünsiyyət bacarıqları, stress menecment və s. kimi mövzularda təlimlər keçirilir. Tədrisin bu hissəsi proqram məzunlarını beynəlxalq əmək bazarının tələb olunan mütəxəssisi kimi formalaşdırmağa yönəlib.

Tədrisi uğurla tamamlayan və diplom işini müdafiə edən məzunlar Akademiya tərəfindən verilən və şirkətlər tərəfindən prestijli sayılan müvafiq diplom əldə edirlər.

Akademiyada MQD ixtisası bu günə qədər 400-dən artıq məzun verib. 

Məzunlar indi ölkənin böyük şirkətlərində, dövlət müəssisələri və marketinq agentliklərində çalışır. Akademiyada fəaliyyət göstərən Karyera Mərkəzi məzunlara işlə təmin olunmaq üçün dəstək verir. Beləliklə Akademiyada MQD ixtisasını uğurla bitirən şəxslər aşağıdakı vəzifələr üzrə fəaliyyət göstərmək üçün gərəkli bilik və bacarıqlara malikdir.  

• Graphic Designer

• Art-director

• Technical Designer

• Print Designer

• Illustrator

• Logo designer

İnteryer dizayn sahəsi müxtəlif təyinatlı məkanların və ərazilərin vizual cəhətdən layihələndirilməsinə yönəlib. Bu sahənin mütəxəssisləri insanların həyat keyfiyyətinə bir-başa təsir edən həllər yaradırlar. Erqonomik və funksional mühitlər yaratmaq üçün müxtəlif amilləri nəzərə alan interyer dizaynerlərə bu işdə ən müasir texnologiyalar kömək edir. Bu isə mənzillərin, ofislərin, gündəlik olaraq qarşılaşdığımız obyektlərin daha komfortlu və cəlbedici olmasına gətirib çıxarır.

Proqrama müraciət edən şəxslərin sahə üzrə bilik və bacarıqlara malik olması tələb olunmur. Proqramın məzmunu yeni başlayan şəxslərə uyğun tərtib olunduğundan hər kəs qoşula bilər.

Autodesk şirkətinin tədris materialları və əlavələri əsasında hazırlanan İnteryer Dizayn təhsil proqramı təkcə Azərbaycanda yox, regionda da bu sahə üzrə ən yaxşı proqramlardan biri hesab olunur.

Proqram real layihələrə əsaslanan və qlobal müstəvidə sınaqdan keçmiş modullar əsasında tərtib olunub. Bu isə proqramın məzunlarına beynəlxalq rəqabətə davamlı mütəxəssis kimi formalaşmaqda kömək edir.

Proqrama qatılan tələbələr 7 ay davam edən tədris prosesi zamanı nəzəri və texniki biliklərə yiyələnir. Tədrisin sonuncu ayında isə tələbələr real iş mühitində öyrəndiklərini tətbiq edərək təcrübə qazanır. Təhsil proqramının bu hissəsi məzunları iş həyatına hazırlamağa yönəlib.

İnteryer Dizayn təhsil proqramını uğurla bitirən tələbələr əmək bazarının tələb olunan mütəxəssisi hesab olunur. Təcrübə göstərir ki, bir çox hallarda tələbələr hələ məzun olmadan öncə iş təklifləri almağa başlayır. Proqramın məzunları müxtəlif sektorlarda fəaliyyət göstərən şirkətlərdə aşağıdakı vəzifələrdə çalışır.

• Interior Designer

• Modeling Designer

• Technical Designer

Animasiya Dizaynı sahəsi vizual elementlərin və qrafik təsvirlərin dinamik obyektlərə çevirilməsini, özəl effektlərin yaradılmasına yönəlib. Müasir texnologiyalar bu sahənin mütəxəssislərinə insan təxəyyülünün sərhədlərində hərəkət edərək müxtəlif çətinlikdə vizual həllər yaratmaq imkanı verir. Son illərdə video məzmununa ehtiyacın artması, stream platformalarının inkişafı nəticəsində animasiya dizaynı dövrün trend sahələrindən birinə çevrilib.

Proqrama müraciət edən şəxslərin sahə üzrə bilik və bacarıqlara malik olması tələb olunmur. Proqramın məzmunu yeni başlayan şəxslərə uyğun tərtib olunduğundan hər kəs qoşula bilər.

Animasiya Dizaynı təhsil proqramının məqsədi bu sahədə beynəlxalq rəqabətə davamlı kadrlar yetişdirməkdir. Akademiya bu hədəfə nail olmaq üçün dünyanın öndə gələn şirkətlərindən Adobe ilə tərəfdaşlıq edir. Belə ki, proqramın məzmunu Adobe şirkətinin əlavələri və tədris resursları əsasında tərtib olunub. 

Praktiki modullardan və laboratoriya işlərindən ibarət proqramın məzmunu 6 ay ərzində tələbələri beynəlxalq əmək bazarının tələblərinə cavab verən mütəxəssis kimi formalaşdırır. 

Tədrisin sonunda məzunlar müxtəlif mürəkkəblikdə vizual effektlər, personajlar və 2D modellərdən ibarət portfolioya malik olur. 

Akademiyada Animasiya Dizaynı təhsil proqramını uğurla bitirən tələbələr peşəkar mütəxəssis kimi öz karyerasına başlayır. Proqramın məzunları müxtəlif sektorlarda fəaliyyət göstərən şirkətlərdə aşağıdakı vəzifələrdə çalışmaqdadır.

• Animation Designer

• Visual Effects Designer

• VFX Supervisor

• Animation Supervisor

• Digital Artist

• Video editor

Advanced UX&UI ixtisası sektorda real iş təcrübəsinə malik UX&UI Dizaynerlərini bu sahədə ixtisaslaşdırmaq və biliklərini təkmilləşdirməyə yönəlib. Sektorda böyük təcrübəyə malik instruktor tərəfindən tədris olunan Advanced UX&UI ixtisasında tələbələr real təcrübələrdən yararlanaraq ən effektiv həllər yaratmağı öyrənir.

Tədris zamanı tələbələr müxtəlif komandalar yaratmaqla rəqəmsal məhsullar üzərində birlikdə işləyir, nəticələri təhlil edir və məhsulun inkişafı ilə bağlı yol xəritəsini hazırlayır.

Advanced UX&UI Dizayn ixtisası sahə üzrə təcrübəli mütəxəssisləri ixtisaslaşdırmağa yönəlib. Bu səbəbdən proqrama müraciət edənlərin aşağıdakı tələblərə malik olması gözlənilir.

• İş təcrübəsi: 6 ay
• İngilis dili biliyi: B2
• Türk dili biliyi: Başa düşəcək səviyyədə

Təhsilin sonuna doğru Akademiya tələbələri əmək bazarının ehtiyaclarına uyğun peşəkar mütəxəssis olmaq üçün aşağıdakı modulları əldə edir.

Disney filmlərində gördüyün o orijinal və rəngarəng personajları 3D sahəsini bilməklə səndə yarada bilərsən. Metaverse və NFT mövzularından xəbərdarsansa bu sahənin nə dərəcə potensiallı olduğunu vurğulamağa gərək yoxdur. Azərbaycanın 3D sahəsində tək professional tədris mərkəzində təhsil alıb qlobal mühitdə işə başlamaq istəyirsənsə doğru səhifədəsən.

Proqramın məzmunu yeni başlayanlara uyğun formada tərtib olunduğundan müraciət edən şəxslərin sahə üzrə bilik və təcrübəyə malik olunması tələb olunmur. Texnoloji məhsullarla işləməyə həvəsli, araşdırmağı və yaratmağı sevən hər bir kəs proqrama qoşula bilər.

Tədrisin başlanğıcında Akademiya tələbələri dizayn sahəsi ilə ilkin tanışlıq və ümumi təsəvvür əldə etmək üçün aşağıdakı modulları əldə edir.

Proqramı bitirən məzunlar aşağıdakı sahələrdə işləmək imkanı əldə edir.

• Digital Artist

• Video Game Designer

• 3D Animator

• 3D Generalist

• NFT Artist

Data Science, müxtəlif alət, üsul və texnologiyaları bir araya gətirib, datalardan nəticə əldə edərək  bu nəticəni müəyyən bir problemin həlli üçün istifadə edir. Bu sahə 4 təməl yol izlənərək verilənlər bazası üzərində işləməyi təmin edir. Bir Data Scientist işə data əldə etməklə başlayır, bu dataları nizamlayır, modelləşdirir və sonda nəticələri dəyərləndirir. 

Bir sözlə, Data Science hansısa bir məhsul və ya şirkət üçün öncədən biznesyönümlü proqnozlar verir,  fərqinə varılmayan boşluqları ortaya çıxara bilir və bunun həlli yönündə məlumatlar depolayır. Bunun nəticəsində şirkətlər innovasiya və yeniliklər edə bilir, müştərilərinə daha yaxşı təkliflər edərək müştəri məmnuniyyətini artıra bilir. 

Bu səbəbdən Data Science getdikcə daha da prestijli sahəyə çevrilir və günümüzdə bu sahənin mütəxəssislərinə şirkətlərdə olduqca böyük tələb mövcuddur. 

Proqrama müraciət edən şəxslərin sahə üzrə bilik və bacarıqlara malik olması tələb olunmur. Lakin,  statistika və İKT sahəsində baza anlayışlarından xəbərdar olmaq böyük üstünlükdür.

BDA Lab-ın təqdim etdiyi Data Science Tədris Proqramı beynəlxalq müstəvidə təsdiqlənmiş tədris materiallarına əsaslanaraq tərtib edilmişdir. Proqramın məqsədi ölkədə ixtisaslı Data Scientist kadr boşluğunu təmin etmək, həm qlobal və həm də lokal bazarın tələblərinə cavab verən kadrlar yetişdirməkdir. 

Proqram 6 tədris ayından ibarətdir. Tədris prosesi bu sahənin mütəxəssisləri olan instruktorlar tərəfindən praktika əsaslı aparılır. 

Tədris müddətində Akademiyanın Karyera Mərkəzi uğurlu karyera üçün tələbələrlə konsultasiyalar edir, Mütəxəssisləşdirmə Proqramı çərçivəsində isə onlara iş həyatı üçün vacib “soft” və “hard skill”lər, kommunikasiya, təqdimat bacarıqları aşılanır. Məzun olduqda isə Akademiyanın beynəlxalq mühitdə tanınan diplomunu əldə edir.

Akademiyada “Data Science” ixtisası üzrə təhsili uğurla tamamladıqdan sonra məzunlar artıq bu sahə üzrə ixtisaslı kadr sayılır. Proqramın məzunları müxtəlif sektorlarda fəaliyyət göstərən şirkətlərdə aşağıdakı vəzifələrdə çalışır.

• Data Scientist;

• Business Analyst;

• Machine Learning Scientist

Full Stack Development tətbiqlərin və veb-saytların sıfırdan hazırlanmasını təmin edir. Buna görə də bu ixtisas özündə həm Front End, həm də Back End proseslərini cəmləşdirir. Gündəlik istifadə etdiyin və sevdiyin bütün tətbiqlər, alış-veriş etmək, məlumat almaq və bir çox vacib işlər üçün istifadə etdiyin veb-saytların hamısı Full Stack Developer-lərin portfoliosundandır. 

Şirkətlərin artan texnoloji ehtiyacları və bütün proseslərin rəqəmsallaşması Full Stack Developer-lərə tələbi gün keçdikcə daha da artırır. 

Proqrama müraciət edən şəxslərin sahə üzrə bilik və bacarıqlara malik olması tələb olunmur. Proqramın məzmunu yeni başlayan şəxslərə uyğun tərtib olunduğundan hər kəs qoşula bilər.

BDA Lab ixtisaslarından biri olan “Full Stack Development” proqramı yerli və xaric bazar nəzərə alınaraq, proqramlaşdırmanın məntiqi və riyazi tərəfini izah etmək üzərində qurulub. 

Full Stack Developer-lərdən ən çox tələb olunan bacarıq unikal rəqəmsal həllər tapmaq bacarığıdır. Tələbələrdə bu bacarığın inkişafı üçün ixtisasın proqramında texniki biliklərdən öncə, alqoritmik və IT bilikləri tədris edilir. 

Tədris müddətində Akademiyanın Karyera Mərkəzi uğurlu karyera üçün tələbələrlə konsultasiyalar edir, Mütəxəssisləşdirmə Proqramı çərçivəsində isə onlara iş həyatı üçün vacib “soft” və “hard skill”lər, kommunikasiya, təqdimat bacarıqları aşılanır. Məzun olduqda isə Akademiyanın beynəlxalq mühitdə tanınan diplomunu əldə edir.

Akademiyada “Full Stack Development” ixtisası üzrə təhsili uğurla tamamladıqdan sonra məzunlar artıq bu sahə üzrə ixtisaslı kadr sayılır. Proqramın məzunları müxtəlif sektorlarda fəaliyyət göstərən şirkətlərdə aşağıdakı vəzifələrdə çalışır.

• Java Developer;

• Software Developer;

• Front End Developer

• Back End Developer

Art Director reklam, film, televiziya, çap və bu kimi kommunikasiya kanallarının konseptuallaşdırılmasını və vizual idarəetməsini həyata keçirir. Art Director-un əsas məqsədi vizual kommunikasiya vasitəsilə bir konsepsiyanı həyata keçirmək və mesajı nəzərdə tutulan auditoriyaya təsirli və yaddaqalan şəkildə çatdırmaqdır.

Art Director bir layihənin əvvəldən sona kimi vizual istiqamətinə nəzarət etmək üçün məsuliyyət daşıyır. Art Director-un əsas iş yükü isə kreativ konsept və ideaların yaradılması, vizual elementləri uyğunlaşması üçün öngörmək, kreativ komanda ilə işləmək, dizayn trendlərini biznes üçün daim nəzarətdə saxlamaqdan ibarətdir. 

Günümüzdə eyni seqment üzrə müxtəlif markaların olduğunu nəzərə alsaq, hər bir marka özünəməxsus vizual konseptlər yaratmaqda maraqlıdır. Bu səbəbdən Art Director-lara maraq günü-gündən artır.

Bu istiqamət üzrə müraciət üçün ən az 2 il qrafik dizayn təcrübəsi olması tələb olunur. Bundan əlavə isə araşdırmalar üçün ingilis dili biliyi B1 səviyyəsində olmalıdır.

Baku Design Academy-nin təqdim etdiyi “Graphic & Art Director” Tədris Proqramı beynəlxalq və yerli müstəvidə təsdiqlənmiş tədris materiallarına əsaslanaraq tərtib edilmişdir. Proqramın məqsədi ölkədə ixtisaslı Art Director kadr boşluğunu təmin etmək, həm qlobal və həm də lokal bazarın tələblərinə cavab verən kadrlar yetişdirməkdir. 

Proqram 6 tədris ayından ibarətdir. Tədris prosesi bu sahənin mütəxəssisləri olan instruktorlar tərəfindən praktika əsaslı aparılır. 

Tədris müddətində Akademiyanın Karyera Mərkəzi uğurlu karyera üçün tələbələrlə konsultasiyalar edir, Mütəxəssisləşdirmə Proqramı çərçivəsində isə onlara iş həyatı üçün vacib “soft” və “hard skill”lər, kommunikasiya, təqdimat bacarıqları aşılanır. Məzun olduqda isə tələbə Akademiyanın diplomunu əldə edir.

Akademiyada “Graphic & Art Director” ixtisası üzrə təhsili uğurla tamamladıqdan sonra məzunlar artıq bu sahə üzrə ixtisaslı kadr sayılır. Proqramın məzunları müxtəlif sektorlarda fəaliyyət göstərən şirkətlərdə aşağıdakı vəzifələrdə çalışır.

• Art Director;

• Design Lead;

• Senior Graphic Designer.